Kıevtegi Solomensk aýdandyq soty BTA banktegi qaıta qurylymdaý úderisin Ýkraına aýmaǵynda zańdy dep tanydy
ALMATY. Naýryzdyń 2-si. QazAqparat /Erlik Erjanuly/ - Búgin BTA bank Kıevtegi Solomensk aýdandyq soty qaıta qurylymdaý úderisin Ýkraına aýmaǵynda zańdy dep tanyǵany týraly málimdeme taratty,
dep habarlaıdy QazAqparat.
2009 jylǵy qazannyń 16-synda Almaty qalasynyń mamandandyrylǵan qarjylyq soty BTA banktegi qaıta qurylymdaý úderisi týraly sheshim shyǵarǵan bolatyn. Ol aqpannyń 17-sinde Kıevtegi Solomensk aýdandyq sotyna usynylyp, aqpanyń 23-i kúni zańdyq kúshine endi. Ýkraın sotynyń bul sheshimi 2002 jyly qazannyń 7-si kúni Kıshıneýde TMD-ǵa múshe memlekettiń arasynda qol qoıylǵan "Azamattyq, otbasylyq jáne qylmystyq ister boıynsha quqyqtyq qatynastar men quqyqtyq kómekter týraly konventsııa" erejesine negizdeldi.
Buǵan deıin bank ózderiniń qarjylyq boryshkerligin qaıta qurylymdaý úderisi 2009 jylǵy jeltoqsannyń 18-indegi Anglııa men Ýelstiń Joǵarǵy sotynyń buıryǵy boıynsha osy eldiń aýmaǵynda moıyndalǵanyn málimdegen edi. Qazirgi tańda ol Nıý-Iork shtatynyń Ońtústik okrýgi ıýrısdıktsııasynda qaralýda. Aqpannyń 5-inde BTA bank qarjylyq jaǵdaısyzdyǵy týraly is boıynsha AQSh sotyna júgingen bolatyn. Jalpy bul banktiń qaryzyn qaıta qurylymdaý Qazaqstannyń qaıta qurylymdaý týraly zańy aıasynda júrgizilip jatyr.
