Kıevtegi sherýshiler Ádilet mınıstrliginiń ǵımaratyn basyp aldy

ASTANA. 27 qańtar. QazAqparat - Kıevte Eýromaıdan belsendileri Ýkraınanyń Ádilet mınıstrliginiń ǵımaratyn basyp aldy, dep habarlady RBK.

Sherýshiler vedomstvonyń qaqpasyn buzyp, onyń ishine basa kóktep kirgen. Ýkraınanyń «ÝDAR» oppozıtsııalyq partııasynyń kóshbasshysy Vıtalıı Klıchko sherýshilerdiń Ádilet mınıstrliginiń ǵımaratyn bosatýǵa kóndiretinin aıtyp, ýáde berdi. Jaqynda V.Klıchkonyń áreket etýimen Kıevtegi Eýropa alańyndaǵy Ýkraına úıi bosatyldy. Búlik shyqqan elde kóterilisshilerdiń arnaıy ásker qyzmetimen qaqtyǵysy basylmaı tur. Jaqynda Zaporojedegi mıtıng qatysýshylardyń bárin qýýmen aıaqtaldy. Olaı bolmaǵanda taǵy 100-ge jýyq adam zardap shegetin edi dep boljanýda. Úsh jýrnalıst joǵalyp ketti.