Kıevtegi qaqtyǵystarda mert bolǵandardyń sany 75 adamǵa jetti
ASTANA. QazAqparat - Ýkraına astanasyndaǵy qaqtyǵystar qurbandarynyń sany 75 adamǵa deıin ósti, dep habarlady Rosbalt.
Bul týraly Ýkraına densaýlyq saqtaý mınıstrligi málim etken.
Barlyǵy 571 zardap shegýshi medıtsınalyq kómekke júgindi, olardyń 363-i aýrýhanaǵa jatqyzyldy. Onyń ishinde 76 adam aýyr halde, dep atap ótken vedomstvo.
Budan buryn 67 adamnyń qaza bolǵany habarlanǵan bolatyn.
Belgili bolǵandaı, beısenbi kúni tańerteń ýkraın mılıtsıonerleri Kıevtegi Táýelsizdik alańynda qarýsyz áriptesteriniń ketýine múmkindik berýi úshin qarý qoldandy. Bul týraly Ýkraına ІІM-niń Facebook-tegi resmı paraqshasynda habarlanǵan.
Vedomstvo ishki ister qyzmetkerlerin mergender men radıkaldar atty degen habar taratty.
Eske sala keteıik, 20 aqpanda tańerteńgi saǵat 9-da Maıdandaǵy qarsylyq bildirýshilerge oq jaýdyrý bastaldy.
