Kıevtegi qaqtyǵysta qaza bolǵandar sany 25-ke jetti
ASTANA. QazAqparat - Keshegi túni Kıevte bolǵan shaıqastyń nátıjesinde 25 adam qaza taýyp, 241 adam túrli jaraqatpen aýrýhanaǵa jetkizildi, dep habarlady RBK.
Bul Ýkraınanyń densaýlyq saqtaý mınıstrligi bergen sońǵy derekter.
Kóz jumǵandardyń arasynda 9 mılıtsııa, ishki ásker jaýyngerleri jáne MAI qyzmetkerleri bar. Sońǵy ekeýin túnde belgisiz bireýler atyp ketti.
Qaza tapqandar men jaraqattanǵandar týraly aldyn ala aqparat. Kıev kóshelerinde tabylǵan adam múrdeleri týraly aqparat saǵat saıyn shyǵyp jatyr.
Japa shekkenderdiń kóbi oq tııý saldarynan jaralanǵan. Qos tarap qarýdy qoldanǵandary úshin bir-birin kinálaýda.
Buǵan deıin habarlaǵanymyzdaı, Kıevtegi tártipsizdikter barysynda 5 jýrnalıst zardap shekken bolatyn. Sondaı-aq Kıevtegi jaǵdaı týraly materıal jazyp júrgen Ýkraınanyń «Vestı» gazetiniń tilshi Vıacheslav Veremııdiń sol jerde qaza tapqan. Osyǵan oraı, qaza tapqandarǵa baılanysty 20 aqpan Ýkraınada aza tutý kúni bolyp jarııalandy.
