Kıevtegi Eýro-2012 jeńimpazdaryn sáýegeı dońyz boljamaq
ASTANA. 20 mamyr. QazAqparat - Fýtboldan 2012 jylǵy Eýropa chempıonatynda match nátıjelerin boljaıtyn dońyz Kıevte ótetin «Eýro-2012» oıyndarynda jankúıerlerge arnalǵan qurmetti orynǵa jaıǵasady.
Atap aıtqanda, Kıevte arnaıy jasalǵan fan-aımaqtaǵy qurmetti orynǵa erekshe kóripkeldigi bar naǵyz ýkraındyq dońyz, fýtbol qupııalarynyń bilgishi men sáýegeıi ornalasady. Ol bolatyn oıyn nátıjelerin kúndelikti boljap otyrmaqshy,dep habarlaıdy Baq.kz portaly Eýrazııa birinshi arnasyna silteme jasap.
Esterińizge sala keteıik, Eýro-2012 oıyndary 8 maýsym - 1 shilde aralyǵynda Ýkraına men Polshada, fınaldyq match Kıevte ótedi. Fan-aımaq Ýkraınanyń naq ortasynda, Kreşatık pen Táýelsizdik Maıdanynda ornalasyp, 7 maýsym kúni gala-kontsert, shoý baǵdarlamasy jáne otshashýmen bastalady.
Buǵan deıin Eýro-2008 oıyndary kezinde Paýl esimdi segizaıaq tanymal bolǵan edi. Onda Paýl Germanııa quramasy qatysqan match qorytyndysyn boljap, nemisterdiń alty matchtan tórteýin jeńetinin dál tapqan. 2010 jyly ótken Álem chempıonatynda da óz qabiletin tanytyp, nemis komandasy qatysqan oıyn nátıjelerin durys boljaǵan. Sonyń ishinde komandanyń ıspandyq jartylaı fınaldaǵy jeńilisin de aldyn ala bilgen. Alaıda keıinirek ataqty segizaıaq kóz jumdy.
