Kıevte tótenshe jaǵdaı jarııalandy: qalaǵa ásker kirdi
ASTANA. 24 naýryz. QazAqparat - Kıev úkimeti qar túsýimen kúresýde jeńiliske ushyrady. Ýkraına astanasynda tótenshe jaǵdaı jarııalanyp, qalaǵa áskerı bólimsheler kirdi.
Qarmen kúresýdi bronetransporterler kómegimen júrgizý sheshildi, dep habarlaıdy RosBıznesKonsaltıng.
RBK-Ýkraınaǵa Kıev qalalyq memlekettik ákimshiligi tóraǵasynyń birinshi orynbasary Aleksandr Mazýrchak habarlaǵandaı, qalada jerústi kóliginiń júıesi is júzinde aqsap tur, poıyzdar kóp ýaqyt keshigýde, «Jýlıany» áýejaıy jabyq. «Borıspol» áýejaıy reısterdi keshiktirip jiberip jatyr, al ushaqtardy qabyldamaıdy.
Kıevte qalada jol júrý tek metro arqyly ǵana múmkin, alaıda stansalarǵa kirý alańdaryn qar basqan.
Qalada sońǵy táýlikter ishinde rekordtyq 50 mm qar tústi, sondyqtan, kommýnaldyq qyzmet jumysshylarynyń jetispeýshilikteri týyndady. Olarǵa 550 áskerı qyzmetker kómektesýde, olar jerasty ótpeleriniń baspaldaqtaryn, aýrýhanalarǵa, azyq-túlik dúkenderine kirý alańdaryn tazalaýda.
Prezıdent polkynyń áskerlerinen basqa qar jınaýǵa polıtsııa qyzmetkerleri, qutqarýshylar da qatysýda.
Sońǵy táýlikterde keptelisterden júzdegen avtomobılder, avtobýstar jáne trolleıbýstar bosatyldy. Bılik oryndary turǵyndardan qalaǵa asa qajettilik bolmasa shyqpaý, mashınalardy jol jıegine qoımaý týraly surady.
Kıevten basqa, Lvov, Vınnıtsk, Ivano-Frankovsk, Hmelnıtsk jáne Ternopol oblystarynda da qar túsýden týyndaǵan jaǵdaılardyń qıynshylyǵy az bolǵan joq.
