Kıevte qarttar úıi órtendi

KIEV. ÝkrInform-QazAqparat – Kıevtiń Podolsk aýdanynda «Kúmis ǵasyr» qarttar úıi órtendi, dep habarlaıdy QazAqparat ÝkrInform agenttigine silteme jasap.

Ýkraına Tótenshe jaǵdaılar jónindegi memlekettik qyzmetiniń málimetine qaraǵanda, Podolsk aýdanyndaǵy Lesozaşıtnaıa kóshesi, 11 b mekenjaıynda ornalasqan úsh qabatty «Kúmis ǵasyr» qarttar úıiniń shatyry órtengen. Oqys oqıǵa 12 naýryz kúni saǵat 05:51-de oryn alǵan. Saǵat 06:55-te 100 m2 alańdy sharpyǵan órt aýyzdyqtalǵan.

Ǵımaratta 65 qart adam bolǵan. Qaza bolǵandar men zardap shekkender joq. Ýkraınanyń Tótenshe jaǵdaılar jónindegi memlekettik qyzmetiniń jáne qyzmet kórsetýshi personaldyń kómegimen joǵarǵy qabattardan birinshi qabatqa 80 adam (onyń ishinde 65 qart adam jáne 15 personal) evakýatsııalandy.

Órtti sóndirýge 35 adam men 8 tehnıka jumyldyryldy.