Kıevte Búkildúnıejúzilik gazetter uıymynyń bas dırektory Krıstofer Rıss ustaldy
ASTANA. 1 qarasha. QazAqparat - Prezıdent Vıktor ıAnýkovıchtiń shaqyrýy boıynsha Ýkraınaǵa kelgen Búkildúnıejúzilik gazetter uıymynyń bas dırektory Krıstofer Rıssti Kıevte mılıtsııa ustap aldy. Bul jóninde «Ýkraınskaıa pravda» gazeti habarlaıdy.
Rısspen birge INMA kompanııasynyń ókili ıAn Vagner de ustaldy. Mılıtsıonerler olardy Jeńis saıabaǵynda ekskýrsııada júrgen kezinde toqtatyp, qujattaryn kórsetýdi suraǵan. Aýdarmashy men jol kórsetýshi tólqujattaryn usynǵan, al Rıss pen Vagner - uqsastyq kartalaryn kórsetken. Mundaı kartalardy jeke basyn rastaıtyn qujat retinde Eýroodaq elderinde paıdalanýǵa bolady.
Degenmen, Kıev mılıtsıonerleri atalǵan kartany jetkiliksiz dep túsinip, sheteldikterdi mılıtsııa bólimine alyp kelgen. Osy jerde ǵana Rısstiń aýdarmashysy atalǵan kartanyń qujat retinde tanylatyna tártip saqshylarynyń kózin jetkize alǵan. Onyń aıtýynsha, túsindirý sharalaryna 20 mınýtten artyq ýaqyt ketken. Sodan keıin ǵana mılıtsıonerler Rıss pen Vagnerdi bosatqan.
Ýkraına ІІM baspasóz qyzmeti taratqan aqparatqa qaraǵanda, sheteldikterdi ustaý faktisi boıynsha qyzmettik tekserý júrgizilip jatyr.
