Kıevke Eýropa elderiniń ulttyq qaýipsizdik jónindegi keńesshileri keldi

ASTANA. KAZINFORM — Kıev qalasyna Eýropa elderiniń ulttyq qaýipsizdik máseleleri jónindegi keńesshileri keldi. Bul týraly Ýkraına Ulttyq qaýipsizdik jáne qorǵanys keńesiniń (UQQK) hatshysy Rýstem Ýmerov habarlady.

«Kıevke eýropalyq elderdiń ulttyq qaýipsizdik jónindegi keńesshileri keldi. Kezdesýlerge Germanııa, Ulybrıtanııa, Frantsııa, Italııa, Ispanııa, Latvııa, Estonııa, Lıtva, Polsha, Fınlıandııa, Kanada, Nıderland, Shvetsııa, Norvegııa jáne Danııa ókilderi, sondaı-aq NATO, Eýropalyq keńes pen Eýropalyq komıssııanyń ókilderi qatysyp jatyr», dep jazdy Ýmerov Telegram-arnasynda.

Ol alda mazmundy jumys kúni kútip turǵanyn, ıaǵnı qaýipsizdik, ekonomıkalyq máseleler, negizdemelik qujattarmen jumys jáne seriktestermen aldaǵy qadamdardy úılestirý is-sharalary talqylanatyyn atap ótti.

Buǵan deıin, 30 jeltoqsanda, Ýkraına prezıdenti Vladımır Zelenskıı «qalaýlylar koalıtsııasyna» kiretin elderdiń ulttyq qaýipsizdik jónindegi keńesshileriniń 3 qańtarda ótetin kezdesýi ótetinin qulaǵdar etken edi.

Onyń aıtýynsha, 6 qańtarda Frantsııada kóshbasshylar deńgeıindegi kezdesý josparlanǵan, al 7 qańtarda kóshbasshylar arasyndaǵy kelissózderden keıin ulttyq qaýipsizdik jónindegi keńesshiler deńgeıinde taǵy bir kezdesý ótedi dep kútilip otyr.

Aıta keteıik, prezıdentter kezdesýiniń qorytyndylary belgili bolǵannan keıin Tramptyń Ýkraınaǵa kelýi múmkin ekeni aıtyldy.