Kıev Vengrııa men Slovakııanyń elektr jetkizýdi toqtatý týraly qysymyna jaýap berdi
ASTANA. KAZINFORM — Ýkraınanyń Syrtqy ister mınıstrligi Vengrııa men Slovakııa ókilderiniń Ýkraınaǵa elektr energııasyn jetkizýdi toqtatýy múmkin ekeni týraly málimdemelerin bopsalaý dep atap, ýltımatýmdardy Kıevke emes, Kremlge joldaýǵa keńes berdi, dep habarlaıdy VVS.
«Ýkraına Vengrııa men Slovakııa Respýblıkasynyń úkimet basshylyǵy tarapynan elderimiz arasyndaǵy energııamen jabdyqtaý máselesine qatysty aıtylǵan ýltımatýmdar men bopsalaýdy qabyldamaıdy jáne aıyptaıdy. Reseıdiń Ýkraına energetıkalyq ınfraqurylymyna jappaı ári nysanaly soqqylar jasap, ýkraınalyqtardy qatty aıaz kezinde jaryqsyz, jylýsyz jáne gazsyz qaldyrýǵa tyrysyp otyrǵan jaǵdaıda mundaı áreketter arandatýshylyq, jaýapsyzdyq sanalady», delingen Ýkraınanyń syrtqy saıası vedomstvosynyń málimdemesinde.
Sondaı-aq bul qadamnyń saldary búkil óńirdiń energetıkalyq qaýipsizdigine de qaýip tóndiretini aıtyldy.
«Biz Vengrııa men Slovakııa Respýblıkasynyń úkimetterin syndarly yntymaqtastyqqa jáne jaýapty ustanymǵa shaqyramyz. Ýltımatýmdardy Kremlge jiberý kerek, Kıevke emes», dep málimdedi Ýkraına SІM.
Buǵan deıin Slovakııanyń premer-mınıstri Robert Fıtso eger Kıev dúısenbige deıin Slovakııaǵa reseılik munaı tranzıtin qaıta qamtamasyz etpese, Slovakııadan Ýkraınaǵa elektr energııasyn jetkizýdi toqtatatynyn eskertken.
Vengrııanyń premer-mınıstri Vıktor Orban da «Drýjba» munaı qubyry arqyly munaı tranzıti qalpyna keltirilmese, Ýkraınaǵa elektr energııasyn jetkizýdi toqtatatynyn málimdedi.
Eske sala ketsek, Eýropalyq Odaq Reseımen, Belarýspen jáne Ýkraınamen shekaralas elderin qoldaýdy kúsheıtetinin málimdegen edi.