Kıev Ýkraınanyń TMD-dan shyǵý máselesin zerdeleýde
ASTANA. QazAqparat - Kıev óziniń TMD-ǵa músheligin toqtatý týraly máseleni qarastyrýda, dep habarlaıdy QazAqparat «RIA Novostı» agenttigine silteme jasap.
Mundaı málimdemeni jeksenbi kúni "112 Ýkraına" telearnasynda Ýkraına Syrtqy ister mınıstri Pavel Klımkın jasady.
2014 jyldyń aqpanynda Ýkraına bıligi aýysqannan keıin jańa basshylyq TMD jumysyna qatysýdan bas tartý nıeti týraly málimdeme jasaǵan bolatyn. Keıinirek Kıev atalmysh uıymnyń atqarýshy komıtetinen óz ókili Anatolıı Drondy qaıtaryp aldy.
«Biz shyǵý máselesin (red. - TMD-dan) qarastyryp jatyrmyz. Bizde dıplomdardyń ózara tanylýy, zeınetaqylardyń tólenýi sekildi birneshe ondaǵan kelisim bar. Qazir bul kelisimderdi retteýge múmkindik beretin jumystardy aıaqtaý ústindemiz. Men TMD-dan shyǵýdy qoldaýshylardyń birimin», - dedi mınıstr.
2015 jylǵy sáýir aıynyń ortasynda Klımkın eldiń Dostastyqtan shyǵýyn orynsyz dep ataǵan bolatyn. Keıin Belarýs Prezıdenti Aleksandr Lýkashenko Ýkraınanyń TMD-dan shyǵýy eki-talaı ekendigin málim etti. Biraq atalmysh el óziniń uıymǵa qatysýyn jáne ortaq bıýdjetti qarjylandyrýyn toqtatqany shyndyq.
