Kıev turǵyny avtomobıline gazdy tereze arqyly as úıdegi qubyrynan quıady
ASTANA. QazAqparat - Kıev turǵyndarynyń biri kóligine gaz quıýdyń asa qaýipti amalyn oılap tapty.
Áleýmettik jeliler men ýkraınalyq BAQ-ta Kıevte Perov kóshesindegi kópqabatty úılerdiń birinde birinshi qabattaǵy páterdi jalǵa alǵan eldiń «shyǵysynan kelgen bosqyn» páterge túrli stanoktar ornatyp, ony tsehqa aınaldyrǵany jazylýda.
"Kóligine gazdy tereze arqyly as úıdegi gaz qubyrynan quıady. Kórshilerdiń narazylyǵyna pysqyryp ta qaramaıdy", - dep jazdy "Feısbýkte" sol úıde turatyn Mıhaıl Malınovskıı.
Onyń sózine qaraǵanda, úıdiń kireberisinde gaz ıisi múńkip tur. Turǵyndar jarylys bolady dep qaýiptenedi. Olar ujymdyq shaǵym da jasady, alaıda sózderine sensek, mılıtsııa esh shara qabyldamaı jatyr.
Bul úrdis beınelengen vıdeony kórshiler YouTube jelisine ornalastyrdy.
