Kıev sammıti qarsańynda «Chernobyl AES-degi ıadrolyq apatqa 25 jyl» jıynynyń usynymy birlesken is-qımyldyń naqty qadamy bolmaq - Ýkraına Elshisi
ALMATY. 12 sáýir. QazAqparat /Erlik Erjanuly/ - Tehnologııalar qarqyndy damyp jatqan kezeńde ony odan ary qoldanýdy tarazylaýda Chernobyl sabaqtarynyń ózektiligi artyp kele jatyr.
Bul búgin Ýkraınanyń Qazaqstandaǵy Tótenshe jáne Ókiletti elshisi Oleg Demınniń Almatyda ótken «Chernobyl AES-degi ıadrolyq apatqa 25 jyl» dep atalatyn halyqaralyq dóńgelek ústel jıynyna qatysýshylarǵa joldaǵan quttyqtaýynda aıtyldy.
«Japonııadaǵy sońǵy qaıǵyly oqıǵalardan keıin álemdik qoǵamdastyq ıadrolyq energııany qoldanýda absolıýttik qaýipsizdikti qamtamasyz etýdiń mańyzdylyǵyn aıtýda. ıAdrolyq energııany qaýipsiz ınovatsııalyq qoldaný jónindegi Kıev sammıti qarsańynda sizderdiń bul dóńgelek ústel jıyndaryńyz osy baǵyttaǵy birlesken áreketti júzege asyrýdaǵy taǵy bir naqty qadam bolatynyna senimdimin», - deıdi Oleg Demın.
Quttyqtaýdy Chernobyl jáne lokaldy soǵys ardagerleri odaǵy uıymdastyrǵan bul sharaǵa qatysýshylarǵa Ýkraınanyń Qazaqstandaǵy Bas konsýly Lıýdmıla Protasova oqyp berdi. Onyń aıtýynsha, Kıev sammıti Chernobyl AES-daǵy ıadrolyq apattyń 25 jyldyǵyna arnalǵan is-sharalar aıasynda uıymdastyrylyp otyr. Onda 20-22 sáýir kúnderi «Chernobyl apatyna 25 jyl: qaýipsizdiktiń bolashaǵy» degen taqyrypta halyqaralyq konferentsııa bolady. Sondaı-aq onymen bir ýaqytta Chernobyldik donorlyq konferentsııa men Kıev sammıti de ótpek. Ony Ýkraına, Belarýs jáne Reseı úkimetteri Eýropalyq komıssııa, Eýropalyq keńes jáne taǵy basqa halyqaralyq uıymdarmen, BUU men onyń túrli qurylymdarymen birlesip uıymdastyryp otyr.
