Kıev ortalyǵynda oppozıtsıonerler mınıstrlik ǵımaratyn basyp aldy
Ýkraınanyń «Vestı» basylymy habarlaǵandaı, belsendiler kireberiske ózderiniń nyshandary beınelengen týdy ilip qoıǵan. Mınıstrlikke kelgen Vıtalıı Klıchko olardy ǵımarattan shyǵýǵa úgittedi, biraq onyń sózine eshkim qulaq aspady.
Artynsha munda Maıdan jasaǵy men ǵımaratty bosatsyn degen depýtattyq ókimderi bar ekenin málimdegen belgisiz bireýler kelgen. Oryn alǵan qaqtyǵystyń nátıjesinde ǵımarattan atylǵan oq daýystary estildi, onyń arty granatalardyń jarqylyna ulasty. Kýágerlerdiń aıtýynsha, jaralanǵandar bolǵan, olardy jedel járdem kólikteri aýrýhanalarǵa alyp ketken.
Qozǵalystyń vedomstvo ǵımaratyn basyp alýdaǵy maqsaty - qamaýǵa alǵan oppozıtsıonerlerdi bosatýyn surap, bılikke shart qoıý edi. Belsendiler mınıstrlikterde tynyshtyq saqtap, tipti sheneýnikterdi jumys oryndaryna jiberýde.
Ótken túni Lvovte oppozıtsıonerler arasynda oryn alǵan qaqtyǵysta «Svoboda» partııasynyń jaqtastary oblystyq ákimshilik ǵımaratynan Eýromaıdannyń yryqty jaqtastaryn qýyp shyqqan. Ultshyldar bul ǵımaratta óz ókilderinen Halyqtyq rada qurýǵa nıetti ekendikterin málimdedi.
