Kıev ortalyǵynda bolǵan jarylystyń sebebi anyqtaldy

KIEV-ÝKRINFORM. QazAqparat –Kıev ortalyǵynda bolǵan jarylystyń aldyn ala sebebi anyqtaldy, dep habarlaıdy QazAqparat Ýkrınformǵa silteme jasap.

Kıevtiń Pýshkınskaıa kóshesindegi jarylysqa granatany uqypsyz paıdalaný negizgi sebep bolýy múmkin. Bul týraly Kıev polıtsııasynyń basshysy Andreı Krışenko aıtty

Krışenkonyń aıtýynsha jarylys saldarynan kóz jumǵan adamdar ózara tanys bolǵan. Olar jarylys bolǵan Pýshkınskaıa kóshesindegi keńseniń janynda áńgimelesip turǵan.

Sondaı-aq, marqumdarǵa eshkimniń jaqyndamaǵanyn jáne kıkiljińniń bolmaǵanyn kórsetetin beınekamera jazbalary men kýágerler bar.

«Biz oqıǵa orny men keńse ǵımaratyn tekserip, ishimdik qaldyqtaryn taptyq. Qaza tapqandardyń biriniń turǵylyqty mekenjaıyn tintý barysynda granata tutandyrǵysh tabyldy», - dedi Krışenko.

Quqyq qorǵaýshylar Ýkraına Qylmystyq kodekisiniń 115-baby 2 bóligi boıynsha is qozǵap, tergep jatyr.