Kıev merııasy ǵımaratyndaǵy nagradalar saqtalǵan qoıma tonaldy

ASTANA. 6 qańtar. QazAqparat - Kıev merııasy ǵımaratyna qaskúnemder basyp kirip, odan medaldar salynǵan birneshe paketti alyp ketti. Bul týraly sheteldik BAQ habarlady.

Qalalyq ákimshilik taratqan aqparatqa qaraǵanda, qaskúnemder nagradalar men olardyń kýálikteri saqtalǵan bólmeniń qulpyn buzyp kirgen. Sál keıinirek kórshiles bólmeden jáne baspaldaqtan urlanǵan zattardyń bir bóligi tabylǵan.

Osydan sheneýnikter mılıtsııaǵa aryzdanyp, qazirgi ýaqytta quqyq qorǵaý organdary qandaı nagradalardyń joǵalǵandyǵyn anyqtaý úshin muraǵat derekterimen salystyryp tekserý júrgizýde.