Kıev kóshelerinde Qazaqstan týraly beınerolık kórsetilýde

KIEV. QazAqparat – Ýkraına astanasynyń ortalyq kóshelerinde Qazaqstan týraly beınerolık kórsetilýde, dep habarlaıdy QazAqparat.

QR Ýkraınadaǵy Elshiligi málim etkenindeı, Qazaqstan Táýelsizdigi kúni qurmetine ýkraınalyq áriptesterdiń qoldaýymen Kıevtiń ortalyq kóshelerinde ornatylǵan 57 LED-ekranda beınerolıkter berilýde.

Kadrlardan Qazaqstan astanasynyń búkil álemge belgili maqtanyshtary – «Báıterek» pen «Aqorda», QR Tuńǵysh Prezıdenti – Elbasy Nursultan Nazarbaev, Qazaqstan halqy Assambleıasynyń ókilderi, Beıbitshilik pen kelisim saraıy, Memleket basshysy Qasym-Jomart Toqaevtyń ınaýgýratsııasy, QR Memlekettik týynyń kóterilýine arnalǵan saltanatty is-sharany kórýge bolady.