Kıev dúkenderinde azyq-túlik taýsylýda
ASTANA. QazAqparat - Kıev dúkenderinde azyq-túlik taýsylýda. Qala turǵyndary nan, un, qant, makaron ónimderi, sút jáne jumyrtqany kóptep alyp jatyr. Dúken sóreleri jartylaı bos, dep habarlaıdy RBK.
Keıbir sýpermarketterdiń qyzmetkerleri búgin azyq-túlik ónimderiniń bolmaıtynyn aıtyp otyr. Halyq qaladaǵy bankomattarda uzyn-sonar kezekte tur. Buǵan deıin birqatar bankter kıevtik bólimsheleriniń jabylǵany týraly aqparat taratqan bolatyn. Onyń ishinde, «PrıvatBank» bólimsheleriniń qyzmetkerleri qaqtyǵys júrip jatqan aımaqtardaǵy bankomattardan aqshalaryn alyp ketken.
Sondaı-aq janar-jaǵarmaı quıý stansalarynda kólik keptilisi oryn alǵan. Keıbir beketterde janar-jaǵarmaı taýsylyp, stansalardyń jumysy toqtatyldy.
Buǵan deıin Ýkraınanyń Energetıka jáne kómir ónerkásibi mınıstriniń mindetin atqarýshy Edýard Stavıtskıı «janar-jaǵarmaı beketterinde otyn tapshylyǵy bolmaıdy, Kıevke otyn jetkizý burynǵy kestemen júrgizilip otyr» dep málimdegen bolatyn.
Bankaralyq valıýta qoryndaǵy saýda grıven baǵamynyń tómendeýine baılanysty toqtatyldy. Buǵan qosa, Kıev metrosy jartylaı jumys isteı bastady. Búgin «Arsenalnaıa» stansasynan «Poshta alańy» stansasyna deıingi aralyqtaǵy metronyń jumysy toqtatylǵan bolatyn.
