«Kıev-Almaty» ushaǵy mas jolaýshynyń kesirinen Samaraǵa toqtaǵan
ASTANA. QazAqparat - Búgin túngi saǵat ekide samaralyq Kýrýmoch áýejaıyna Kıev-Almaty baǵytyndaǵy ushaq josparsyz qonýǵa májbúr boldy, dep habarlaıdy Samru.ru.
Ushaqta 50 jolaýshy bolǵan. Kýıbyshev kólik prokýrorynyń orynbasary Darıa Kalınıchevanyń málimdeýinshe, ushaq Samarada 2,5 saǵat kidirip, 33 jastaǵy mas janjalqoıdy túsirip tastaǵan. Ózbekstan azamatyna eki hattama toltyrylǵan, sebebi ol bortta ashýǵa boı aldyryp, jubaıyna qol kótergen. Tekserý jumysy júrgizilip, Kýıbyshev kólik prokýratýrasy óz baqylaýyna aldy.
