Kıeli Túrkistanda eki birdeı jezóksheler ordasy anyqtaldy
Prokýror feısbýk áleýmettik jelisindegi paraqshasynda kıeli shahardyń atyna kir keltirip turǵan oryndardy anyqtaýǵa jergilikti aqsaqaldardyń ótinishi sebep bolǵanyn aıtqan.
«Qasıetti Oraza aıynda aýyzasharda qalamyzǵa belgili J.Áziretbergenov aqsaqal, óz sózinde jezókshelikti tyısańdar bolar edi dep pikir aıtqany bar. Jalpy, kıeli Túrkistan rýxanı astanamyz ekeni barshaǵa belgili, jekelegen salada rýxanı baılyǵymyzǵa tán kelmeıtin jaǵdaılar qoǵamda oryn alyp jatady. Sonyń biri jezókshelikpen aınalysýǵa arnalǵan prıtondar. 05.08.2017 j. Túrkistan QІІB-men osyndaı prıton anyqtalyp, sotqa deıingi tergep-tekserý bastaldy» delingen paraqshasynda.
Qazirgi tańda qyzdardy tánin saýdalaýǵa jaǵdaı jasap, tabys tapqan kúdiktiniń ústinen Qylmystyq kodekstiń 309 baby 1 bóligi «Jezókshelikpen aınalysýǵa arnalǵan prıtondar uıymdastyrý nemese olardy ustaý jáne jeńgetaılyqpen» is qozǵalyp, tergeý amaldary júrgizilýde. Prokýrordyń aıtýynsha, bul bappen kináli tulǵanyń múlki tárkilep, 5 jylǵa deıin bas bostandyǵynan aıyrý jazasy kózdelgen. Rýslan Ábdiraıymov sondaı-aq buǵan deıin de taǵy bir jezóksheler ordasy tabylǵanyn atap ótti.