Kıeli Otyrar jerinde de naýryz merekesine oraı ulan asyr toı bolyp ótti

ShYMKENT. QazAqparat - Ońtústik Qazaqstan oblysyndaǵy kıeli Otyrar jerinde de naýryz merekesine oraı ulan asyr toı bolyp ótti. Aıtýly jıynǵa elimizdiń túkpir-túkpirinen arnaıy qonaqtar kelip, saltanat sánin kirgizdi. Qazaqy dástúr men ulttyq salt saqtalǵan sharada turǵyndar máre-sáre kúıge bólendi, dep habarlaıdy QazAqparat HAA tilshisi.

Shyǵys elderiniń búkilhalyqtyq meıramy sanalatyn naýryz mekeresine oraı uıymastyrylǵan shara aýdan ortalyǵynda ótti. Bul kúni jergilikti halyq ortalyq alańǵa jınalyp, qazaqy dástúr men ulttyq qundylyqtyń zor úlgisin dáriptedi.

Ájeler naýryz kójesin usynyp, jastar jaǵy án men jyrdan marjan tókti. Kúnniń kózi de kúlimdep, otyrarlyqtarǵa jyly shýaǵyn syılady. Naýryzǵa jınalǵan kópshilikke bul kún erekshe áser qaldyrdy.

Otyrardyń tarıh tezine shydap bergen shaharynda qolóner buıymdardyń kórmesi uıymdastyryldy. Salt-dástúrden sahnalyq kórinister qoıylyp, merekelik kontsert usynyldy.
Sondaı-aq asyq atý, kókpar tartý, qoshqar kóterý sııaqty  ulttyq oıyndar oınatyldy. Bul kúni jyl úzdikteri anyqtalyp, arnaıy marapatqa qol jetkizdi. Osylaısha, qystan qysylmaı shyqqan otyrarlyqtar Ulystyń uly kúnin erekshe toılady.