Kıeli Qaǵbada bolǵan qazaqstandyqtar oraldy
ALMATY. Qańtardyń 6-sy. QazAqparat /Ádilet Musahaev/ - Keshe Jıdda - Almaty baǵytyndaǵy ushaqpen kıeli Qaǵbada bolǵan bir top qajy Almatyǵa oraldy,
dep habarlaıdy QazAqparat.
Búgingi tańǵa deıin Mádına qalasynda ornalasqan Qaǵbaǵa tek tórt qazaqstandyq azamat kirgen bolatyn. Olar Elbasy Nursultan Nazarbaev, Musylmandar dinı basqarmasynyń Tóraǵasy, Bas múftı Ábsáttar Derbisáli, Saýd Arabstanyndaǵy elshi Baǵdat Ámireev jáne «Nur-Qazaqstan» fırmasynyń basshysy Amangeldi Erenǵaıyp.
«Jaqynda Saýd Arabstanynyń koroli bir qatar musylman elderiniń ókilderine Qaǵbaǵa kirýge ruqsat bergen edi, bizdiń elden ondaı shaqyrtý Amangeldi Erenǵaıypqa buıyrdy. Olar Qaǵbada eki saǵattaı bolǵan. Onda tilegen tilekter mindetti túrde oryndalady dep aıtylady», deıdi Qazaqstannyń musylmandar dinı basqarmasynyń baspasóz hatshysy Ońǵar Ómirbek.
