Kids Go Free: balamen saıahattaýshylar arasynda Aqtaýǵa suranys joǵary

AQTAÝ. QazAqparat – «Kids Go Free» otbasylyq týrızmge arnalǵan baǵdarlamasy aıasynda Aqtaý eń suranysqa ıe qala bolyp otyr. Bul tizimde Túrkistan men Almaty qalalary da bar, dep habarlaıdy QazAqparat tilshisi.

«Kazakh Tourism» derekteri boıynsha, jyl basynan beri 307 balaǵa tegin áýe bıletin alýǵa 153 ótinim túsken. Olarǵa 14,1 mln teńge kóleminde tólemaqy aýdaryldy.

Baǵdarlama boıynsha týrlardyń ortasha quny – 350 myń teńge. Baǵasy eń tómen týr – 82 myń teńgege Almaty qalasyna satylǵan. Al, eń qymbat týrıstik baǵyt – 1,2 mln teńgege Aqtaý qalasyna satyp alynǵan. Eń qymbat áýe baǵytynyń quny – 369,8 myń teńge bolǵan.

Bir ótinimdegi eń kóp bala sany bolyp, 7 balasy bar otbasynyń Almaty baǵytyndaǵy týrıstik sapary belgilengen. Negizinen ótinimderdegi ortasha bala sany ekeýden aspaıdy. Joba aıasynda 1 balaǵa arnalǵan bılet quny 50-55 myń teńgege sýbsıdııalanady.

Aıta ketsek, bıylǵy jyldyń 1 qańtarynan bastap, elimizde týrpaket sheńberinde saıahattaıtyn 2-17 jas aralyǵyndaǵy balalarǵa bılet qunyn sýbsıdııalaý baǵdarlamasy qoldanysqa engizildi.

«Kids Go Free» jobasy tek el ishinde demalatyn balalardyń áýe bıletin tegin alýǵa múmkindik beredi.

Baǵdarlama aıasynda týroperatorlardyń shyǵyndary memleket esebinen óteledi. Baǵdarlamaǵa qatysý týropertaorlardyń óz erikterinde bolyp sanalady.

Foto: www.flyertalk.com