Kids Go Free baǵdarlamasymen 1,6 myń bala tegin saıahattady
«Kásipkerlik belsendilikti yntalandyrý jáne bıznesti qoldaý maqsatynda ótken jyldan bastap memlekettik qoldaýdyń 7 jańa sharasy qoldanysqa engizildi. Búginge deıin «Kids go free» baǵdarlamasyn 800-ge jýyq otbasy paıdalandy. Sonyń arqasynda 1,6 myń bala el boıynsha tegin saıahattaýǵa múmkindik aldy. Bıyl osy baǵdarlamamen 2 ese kóp balany qamtýdy josparlap otyrmyz», - dep málim etti mınıstr.
Ashat Oralovtyń sózinshe, qazir vedomstvo gıdter men ekskýrsovodtardyń biryńǵaı tizilimin tsıfrlandyrýmen aınalysýda.
«Bul sheshim gıdterdi únemi jetildirýge, biliktiligin arttyrýǵa jáne kórsetiletin qyzmetterdiń sapasyn jaqsartýǵa yntalandyrady. Sonymen qatar týrısterde týyndaǵan suraqtardy jedel túrde sheshý úshin biz «i-Tourist» aqparattyq baılanys ortalyǵyn qurýdy usynamyz», - dep sózin túıindedi mınıstr.
