Kıbertehnıka ıadrolyq jáne ózge de strategııalyq nysandarǵa qaýip tóndiretin bolady - QR Prezıdenti
Memleket basshysy jahandyq qaýipsizdikke halyqaralyq terrorızm men ekstremızm ses kórsetýin jalǵastyra beretindigin atap ótti. Terrorızmdi zerdeleý jáne terroızmge qarsy áreket konsortsıýmynyń deregine sáıkes 1917 jyly álemde shamamen 10 myń terrorıstik akti oryn alyp, onda 26 myńnan astam adamnyń qaza tapqanyn eske saldy.
Sondaı-aq, Qazaqstan Prezıdenti kıberqaýipsizdik jahandyq turaqtylyqtyń múldem jańa ólshemine aınalatyndyǵyn basa aıtty.
«Negizgi derjavalar arasyndaǵy teketires osy keńistikke qaraı oıysady. Taıaý jyldary kıbertehnıkanyń kómegimen isten shyǵarylýy múmkin ıadrolyq jáne ózge de strategııalyq nysandardyń qaýipsizdigi problemasynyń ózektiligi arta túsetin bolady. Qazirdiń ózinde oryn alǵan kıber shaýyldar álemdik jalpy ishki ónimniń 1 paıyzyna teń bolǵanyn aıtýda», - dedi Nursultan Nazarbaev. 
Aıta keteıik, Elbasy jıyn barysynda Úlken Eýrazııanyń sulbasy qalyptasyp kele jatqanyn aıtyp, Reseı, AQSh jáne Qytaı arasyndaǵy geosaıası básekelestikke alańdaýshylyq tanytty.
Sonymen qatar Nursultan Nazarbaev álemdik derjavalar qarýlaný jarysyna qaıta oralýy múmkin ekendigin eskertti.
