Kıbershaýbyl Irannyń iri bankteriniń biriniń jumysyna nuqsan keltirdi
ASTANA. KAZINFORM – Irannyń jetekshi memlekettik bankteriniń birine aýqymdy kıbershabýyl jasaldy. Sonyń saldarynan klıentterge qyzmet kórsetý jumysy aqsap, bank júıesine kirý múmkin bolmaı qaldy, dep habarlaıdy Kazinform menshikti tilshisi.
Seısenbi kúni Sepah bankiniń onlaın-servısteri óship, bank málimetterine qol jetkizý múmkin bolmaı qaldy. Tegeran men ózge de birqatar qaladaǵy bank bólimsheleri jabyldy.
Azamattar ózderiniń qarjylaryna qol jetkize almaı otyrǵandaryn aıtty, al Irannyń áskerı tulǵalarymen baılanysty Kosar men Ansar bankteri múldem jumys istemeı qalǵan.
Bul úshin jaýapkershilikti osyǵan deıin Iran ınfraqurylymy men bolat óńdeý kásiporny, janarmaı quıý stansalaryna qarsy operatsııa júrgizgenderi týraly málimdegen Predatory Sparrow hakerlik toby óz moınyna aldy.
Áleýmettik jelige jarııalaǵan málimdemelerinde hakerlik top ókilderi Sepah bankiniń málimetterin tolyq joıǵanyn jetkizgen. Olardyń aıtýynsha, shabýylǵa bankterdiń halyqaralyq sanktsııalardan jaltaryp, áskerı baǵdarlamalardy qarjylandyrýy sebep bolǵan.
The hacker group Predatory Sparrow claimed responsibility on Tuesday for a cyberattack targeting Bank Sepah, one of Iran’s oldest financial institutions with ties to the Islamic Revolutionary Guard Corps (IRGC) and the Army.https://t.co/DGAuOxxCuK
— Iran International English (@IranIntl_En) June 17, 2025
Iran bıligi bul oqıǵaǵa ázirge resmı túrde pikir bildirgen joq.
Kýágerlerdiń málimdeýinshe, bank operatsııalarymen baılanysty problema kúni boıy bolǵan. Al bank ókilderi bolsa jumystyń aldaǵy saǵattarda qaıta jandanatynyn aıtqan.
Sepah - Irannyń kóne qarjy mekemeleriniń biri. Onyń Iran boıynsha 1800 bólimsheden turatyn jelisi bar. Sondaı-aq onyń Ulybrıtanııa, Frantsııa, Germanııa men Italııada ókildikteri bar. Al AQSh atalǵan bankke 2019 jyly, ıaǵnı Iran ıadrolyq kelisimnen shyqqan soń sanktsııa engizgen.
Keıbir BAQ ókilderi Sepah bankin Islam revolıýtsııasy saqshylar korpýsy men Irannyń qarýly kúshterimen baılanystyrady.
Osyǵan deıin Iran saýda kemeleri úshin Ormýz buǵazyn jappaýǵa ýáde bergeni týraly jazdyq.