Kıberpolıtsııa Óskemen, Qaraǵandy qalalarynda telefon alaıaqtaryn ustady

ASTANA. KAZINFORM – Qaraǵandy qalasynda shetel azamaty ustalyp, odan 128 sloty bar sim-box qurylǵysy, eki myńǵa jýyq sim-karta, eki Wi-fi roýteri jáne sıgnal kúsheıtkish tárkilendi.

ІІM kıberqylmysqa qarsy is-qımyl departamenti ınternet-alaıaqtardyń sybaılastarymen belsendi kúres júrgizip keledi.

- Shyǵys Qazaqstan oblysy polıtsııa departamentiniń kıberpolıtsııa qyzmetkerleri UQKD jáne prokýratýramen birlesip, Óskemen qalasynda úsh mekenjaıdan 489 sim-karta ornatylǵan 22 sim-box qurylǵysyn, 452 USB-ınternet modemin, 13 kompıýter, 4 roýter jáne bir noýtbýk tárkiledi. Zańsyz is-áreket úshin qalanyń úsh turǵyny ustaldy, - dedi ІІM kıberqylmysqa qarsy is-qımyl departamentiniń bastyǵy Jandos Súıinbaı. 

Polisia.kz-tiń málimetinshe oǵan qosa Qaraǵandy qalasynda shetel azamaty ustalyp, odan 128 sloty bar sim-box qurylǵysy, eki myńǵa jýyq sim-karta, eki Wi-fi roýteri jáne sıgnal kúsheıtkish tárkilendi.

Ustalǵandardyń barlyǵy ýaqytsha ustaý ızolıatoryna qamaldy.