Kıberqylmysqa qarsy kúres: Bir aptada 155 zańbuzýshylyq anyqtaldy
NUR-SULTAN. QazAqparat – Іshki ister mınıstrligi respýblıka aýmaǵynda «Hi-tech» jedel aldyn alý sharalaryn ótkizdi, dep habarlaıdy QazAqparat tilshisi.
«Ótken aptada Іshki ister mınıstrligi respýblıka aýmaǵynda «Hi-tech» jedel aldyn alý sharalaryn ótkizdi. Bul sharalar kıberqylmys pen ınternet-alaıaqtyqtan eskertý, olardy áshkereleýge baǵyttalǵan. Operatsııa júrgizilgen birneshe kúnniń ishinde osy jaǵdaılar boıynsha 155 zańbuzýshylyq tirkeldi», - dedi ІІM resmı ókili Nurdildá Oraz mınıstrliktiń baspasóz máslıhatynda .
Onyń aıtýynsha buryn jasalǵan 161 qylmystyń beti ashylǵan. Olardyń kóbi ınternet-alaıaqtyqqa qatysty oqıǵalar.
«Erkin aınalymnan tyıym salynǵan myńǵa tarta ónim tárkilendi. Olardyń qatarynda kontrakfaktty dıskiler, jazba júrgizýge arnalǵan tehnıkalyq qurylǵylar, lıtsenzııalanbaǵan baǵdarlamalyq qamtamasyz etý quraldary bar», - dedi ol.
