Kıberqaýipsizdikti qalaı saqtaýǵa bolady - VVS

NUR-SULTAN. QazAqparat - Kıberqylmys kesirinen jyl saıyn mıllıardtaǵan dollarlar qoldy bolyp jatyr. Bul jaǵdaı jyldan jylǵa ýshyǵyp barady. Kıbershabýyldarǵa tótep bere alatyn kompıýter qurastyrý múmkin be? Bul suraqqa Izraıl zertteýshileri jaýap berdi, dep jazady VVS basylymy.

Maqalada keltirilgenindeı, Tel-Avıvtegi Check Point Security Technologies kıberqaýipsizdik kompanııasynyń vıtse-prezıdenti kıberqaýipsizdik máselesin sheshý úshin hakerlikti tıimsiz etý kerektigin aıtypty.

«Búgingi tańda kompanııa 150 hakerler tobyn baqylaıdy. Olardyń aıtýynsha, hakerler aptasyna 100 myń dollar tabady», dep jazady basylym. Degenmen, kıberqaýipsizdik júıeleri jyldan-jylǵa damyp jatyr.

«1991 jyldary baǵdarlamalyq qamsyzdandyrýǵa dısketaǵa salynǵan qaýipti vırýstar qoldanylatyn. 1994 jyldary kompanııanyń ujymdyq jelisine kirip málimetter urlaý tirkele bastaǵan. Al 2016 jyly hakerler kóptegen iri jelilerge bir ýaqytta áser ete alatyn qýatty quraldar qoldanatyn boldy. Al bıyl ınternetke kirýge múmkindik beretin qurylǵylar arqyly shabýyl jasaý kóbeıdi», - dep jazady avtor.

Onyń aıtýynsha, hakerler shabýyl jasaı almaıtyn kompıýter qurastyrýǵa bolady, biraq ol óte aýyr jáne ony ornynan qozǵaltý múmkin bolmaıdy.

«Tehnologııa damyǵan saıyn kıberqaýipsizdik ındýstrııasy da alǵa jyljıdy. 5G kezinde de kıbershabýyldar kóbeıedi. Jasandy ıntellekt te kóp qoldanyla bastaǵandyqtan, ol da hakerler qoldanatyn quraldardyń birine aınalady», - dep jazady avtor.