Kıberqaýipsizdikpen aınalysatyn reseılik kompanııa Astanada keńsesin ashady
ASTANA. QazAqparat - "Astana" halyqaralyq qarjy ortalyǵynda kıberqaýipsizdikpen aınalysatyn reseılik kompanııa keńsesin ashady. Bul týraly búgin Astana Finance Days sessııasynda Reseı Jınaq banki basshysy German Gref aıtty, dep habarlaıdy QazAqparat tilshisi.
"Kıberqaýipsizdikpen aınalysatyn enshiles "Bızon" kompanııamyz qazaqstandyq naryqta da belsendi jumys istep jatyr. Ol "Qazaqtelekom" kompanııasymen jan-jaqty yntymaqtastyqty jolǵa qoıǵan. Kompanııa sheshim qabyldady. ıAǵnı, Dırektorlar keńesi barlyq alǵyshartty, qabyldanǵan qujattardy, ınvestorlarǵa usynylǵan múmkinshilikterdi zerdelep shyǵyp, qyrkúıek aıynda "Astana" halyqaralyq qarjy ortalyǵynda óziniń keńsesin ashatyn bolady",- dedi ol.
Onyń aıtýynsha, qazirgi ýaqytta kompanııa AHQO-da naqty ornalasý úshin uıymdastyrý jumystaryn júrgizip jatyr.
"Menińshe, ınvestorlar dál osy ortalyqta bolý úshin alǵashqy qadamdaryn jasap, jumystaryn bastaýlary qajet", - dedi German Gref.
