Kıberqalqan memorgandarǵa joldanǵan 35 mln zııankes hattyń jolyn kesken
Bul jaıynda «Memlekettik-tehnıkalyq qyzmet» AQ ulttyq aqparattyq qaýipsizdikti úılestirý ortalyǵynyń dırektory Serik Holdas QR Ulttyq qaýipsizdik komıtetiniń 30 jyldyǵyna arnalǵan derekti fılmde aıtty.
«Memlekettik organdardyń elktrondy poshtalarynyń jáne jalpy ınternetke qosyla alatyn biryńǵaı shlıýzder jumys isteıdi. Byltyrdyń ózinde ǵana aqparattyq qaýipsizdiktiń 150 mıllıonnan astam qateri buǵattaldy. Onyń ishinde memlekettik organdardyń elektrondy mekenjaıyna joldanǵan 35 mıllıonǵa jýyq zııankes hat boldy», - dedi ortalyq dırektory.
Atalǵan fılmde Syrtqy barlaý qyzmetiniń dırektory Ǵabıt Baıjanov Aýǵanstanda bılik aýysqan kezde Qazaqstan barlaýshylarynyń qalaı áreket etkenin aıtty.
«Keıingi birneshe operatsııa Aýǵanstandaǵy sońǵy ózgerister kezinde ótti. Ol kezde tek barlaýshylar ǵana jumys istedi. Olar búkil adamdy jınap, qaýipsizdigin qamtamasyz etti. Talıbannyń jańa bıligimen kelisimderge kelip, baılanystar ornatty. Keıin ózge organ qyzmetkerlerin resmı túrde marapattap jatty. Al bizdiń mamandar eleýsiz, jabyq jarlyqpen marapattaldy. Olardyń bul eńbegin jalpaq jurt bilmegenimen, qandaı jaýapty is atqarǵandaryn ózderi biledi ǵoı. Barlaýshy úshin eń úlken marapat – halqynyń, eliniń amandyǵy», - dedi komıtet ókili.
Vıdeodan alynǵan kadr
