Kıber shabýylǵa baılanysty Qazaqstandaǵy reseılik zerthananyń jumysy toqtady
ASTANA. QazAqparat - "Invıtro" medıtsınalyq zerthanalar jelisi kıber shabýyldan keıin Reseıde, Qazaqstan men Belarýste taldaýǵa materıaldardy qabyldaýdy ýaqytsha toqtatty, dep habarlaıdy QazAqparat TASS agenttigine silteme jasap.
«Kıber shabýyldan keıin "Invıtro" ınfraqurylymyn qalpyna keltirý jumystaryna baılanysty Reseıdiń, Qazaqstan men Belarýstiń medıtsınalyq keńselerinde bıomaterıaldardy qabyldaý ýaqytsha toqtatyldy. Jumystardy qalpyna keltirý úshin barlyǵy jasalýda. Naýqastardyń barlyq ótinishteri jeke tártipte qaralatyn bolady», - dep atap ótti "Invıtrodan".
Atap ótilgendeı, klıentterdiń derbes málimetteri zardap shekken joq. Alaıda, kıber shabýyl keıbir protsesterge zııanyn tıgizdi, atap aıtqanda, taldaý nátıjelerin berý ýaqyty uzardy.
Seısenbi, 27 maýsym kúni kompıýterlerdi buǵattap, ol úshin aqy suraıtyn Petya vırýsynyń shabýyly jaıly belgili boldy. Vırýs ásirese, Reseı men Ýkraınada kompıýterlik jeliler boıynsha belsendi tarala bastady.
