QHR joǵarǵy zań shyǵarýshy organynyń sessııasy 5 naýryzda ashylady

ASTANA. KAZINFORM — 2025 jyldyń 5 naýryzynda Beıjińde 14-shaqyrylymdaǵy Búkilqytaılyq halyq ókilderi jınalysynyń úshinshi sessııasy jumysyn bastaıdy, dep habarlaıdy Kazinform menshikti tilshisi.

Osy aptada «eki sessııa» — Búkilqytaılyq halyq ókilderiniń otyrysy jáne Qytaı halyqtyq saıası konsýltatıvtik keńesiniń (QHSKK) otyrystary bastalady.

4 naýryzda Beıjińde Qytaı Halyqtyq saıası konsýltatıvtik keńesiniń 14-shi shaqyrylymy Jalpyqytaılyq komıtetiniń 3-shi sessııasy ashylady. Parlamenttiń aǵymdaǵy sessııasynyń kún tártibinde Úkimettiń 2024 jylǵa arnalǵan jumysy týraly esebin jáne 2025 jylǵa arnalǵan áleýmettik-ekonomıkalyq damý josparynyń jobalaryn, ortalyq jáne jergilikti bıýdjetterdiń ótken jylǵa arnalǵan men olardyń aǵymdaǵy jylǵa arnalǵan jobalaryn tyńdaý jáne qaraý bar.

Eske sala ketsek, 2024 jyldyń sońyna qaraı Qytaıdyń jalpy ishki ónimi 130 trln ıýannan (18 trln dollardan astam) asty. 2025 jyl — 14-besjyldyqtyń (2021-2025) qorytyndy jyly jáne 15-shi besjyldyqtyń kelesi kezeńiniń mindetterin qalyptastyrý. Bıyl sondaı-aq «Qytaıda jasalǵan 2025» baǵdarlamasynyń qorytyndysyn shyǵaratyn jyl. Sessııa barysynda sonymen qatar QHR Joǵarǵy Sotynyń Tóraǵasy men QHR Joǵarǵy halyq prokýratýrasynyń Bas Prokýrory baıandama jasaıdy.

Sessııa bir aptaǵa sozylyp, 11 naýryzda aıaqtalady dep kútilip otyr.

Búkilqytaılyq halyq ókilderi jınalysy seısenbi kúni baspasóz máslıhatyn ótkizedi, onda QHSKK 14-shi shaqyrylymy úshinshi sessııasynyń baspasóz hatshysy sessııanyń kún tártibi men jumysyna qatysty suraqtarǵa jaýap beredi.

Aǵymdaǵy sessııanyń taqyryptary ekonomıkalyq damý, syrtqy jáne qorǵanys saıasaty máselelerine arnalyp otyr.

Osyǵan deıin Qytaı shetel kompanııalaryna telekommýnıkatsııalyq qyzmetterge synaq esebinde qol jetkizýge ruqsat bergeni málim boldy.