QHR: Japonııa is-qımyldary óńirdegi turaqtylyqqa qaýip týdyrýda
ASTANA. 21 jeltoqsan. QazAqparat - Qytaı Japonııany ulttyq qaýipsizdik týraly alańdaýshylyǵyn jamyla otyryp óńirdegi áskerı áleýetin keńeıtip jatyr dep aıyptady.
QHR Qorǵanys mınıstriniń sózine qaraǵanda, Tokıonyń áskerı shyǵystardy arttyrý baǵytyndaǵy jospary eki eldiń arasyndaǵy shıelenistiń artýyna sebep bolýda.
Osy aptada Japonııada aldaǵy bes jylda qarýlanýǵa 230 mıllıard AQSh dollarynan astam qarjy jumsalatyny jarııalandy.
Bul turǵyda ushqyshsyz ushatyn apparattardy, áskerı ushaqtardy, 52 desanttyq keme men 17 kóliktik ushaqtardy jáne basqa da áskerı tehnıkany satyp alý kózdelgen.
Álem problemalaryn zertteý boıynsha Stokgolm ınstıtýtynyń málimetinshe, Japonııa dúnıejúzinde áskerı shyǵystarynyń kólemi turǵysynda besinshi orynda eken, al Qytaı AQSh-tan keıin ekinshi orynda tuǵyrlanypty.
Elder arasynda Shyǵys Qytaı teńizindegi Senkaký/Dıaoıýıtaı araldary boıynsha aýmaqtyq daý-damaı jalǵasýda.
