QHR jaǵalaý kúzeti fılıppındik kemeniń 17 ekıpaj múshesin qutqardy

ASTANA. KAZINFORM — Qytaı Halyq Respýblıkasynyń jaǵalaý kúzeti Ońtústik Qytaı teńizinde aýdarylyp qalǵan fılıppındik keme ekıpajynyń 17 múshesin qutqardy. Bul týraly Sınhýa aqparat agenttigi habarlady.

Habarlamaǵa súıensek, QHR jaǵalaý kúzetine Qytaıǵa tıesili Hýanıandao aralynan soltústik-batysqa qaraı 55 teńiz mıli qashyqtyqta, bortynda 21 ekıpaj múshesi bar sheteldik júk kemesiniń aýdarylyp ketkeni týraly dabyl túsken.

Vedomstvo qutqarý operatsııasyn júrgizý úshin dereý eki kemesin jiberdi. Qutqarý jumystary áli tolyq aıaqtalǵan joq.

Eske sala ketsek, osy aıdyń basynda Nıgerııanyń soltústik-shyǵysyndaǵy Iobe shtatynda jolaýshylar kemesi aýdarylyp, 25 adam mert boldy. 

Al Gambııa jaǵalaýynda 200 mıgrant mingen keme aýdaryldy.