QHR: Úndistan men Pákistannyń ShYU-ǵa kirýi olardyń ara-qatynastaryn jaqsarta túsýge septigin tıgizedi

ASTANA. QazAqparat - Úndistan men Pákistannyń Shanhaı yntymaqtastyq uıymyna kirýi uıymnyń tolyqqandy múshesi retinde eki eldiń arasyndaǵy qatynastardy jaqsartýǵa járdemdesedi, - dep málimdedi QHR SІM basshysynyń orynbasary Chen Gopın.

Bul týraly RIA «Novostı» habarlady.

Bashqurtstan Respýblıkasynyń astanasy 8-10 shildede ShYU men BRIKS halyqaralyq sammıtterin qabyldaıdy. Bıyl Reseı osy eki uıymǵa tóraǵalyq etýde. ShYU sammıtinde uıymdy keńeıtý bastalatyny jaıly habarlaıdy dep kútilýde. Búginde ShYU-ǵa Reseı, Qytaı, Qazaqstan, Qyrǵyzstan, Tájikstan, Ózbekstan kiredi. Baqylaýshy mártebesine Mońǵolııa, Úndistan, Iran, Pákistan, Aýǵanstan ıe. 2014 jylǵy qyrkúıekte Pákistan men Úndistan ShYU-ǵa kirýge resmı ótinim bildirdi.

«Elder arasynda kelispeýshilik bar ekeni belgili. Munyń tarıhı sebepteri de bar. Alaıda bul olardyń arasyndaǵy dostyq qatynastardyń damýyna kedergi bolyp tabylmaıdy. Eki eldiń ShYU-ǵa tartylýy uıymnyń jaqsarýyna ǵana emes, sonymen birge eki el arasyndaǵy dostyq qatynastardyń ornaýyna septigi tıedi», - dedi QHR Sı Tszınpınniń ShYU men BRIKS sammıtterine qatysýyna arnalǵan arnaıy brıfıngte Chen Gopın.

Úndistan men Pákistannyń arasynda Pákistan táýelsizdik alǵan 1947 jyldan beri shıelenis saqtalýda.