QHR Ýhan qalasynda stýdentter ǵana emes, sonymen birge áskerı parashıýtshiler de daýys berdi (FOTO, VIDEO)
BEIJІŃ-ÝHANЬ. QazAqparat - QR Prezıdentiniń saılaýynda QHR Hýbeı provıntsııasy Ýhan qalasynda stýdentter ǵana emes, sonymen birge úsh qazaqstandyq áskerı parashıýtshi daýys berdi.
Bul týraly QazAqparat tilshisine telefon arqyly Ýhan memlekettik ýnıversıtetiniń stýdenti Jandos Jaǵyparov málim etti.
«QHAA (Qytaıdyń halyq azattyq armııasy) ÁÁK parashıýtshilerdi daıyndaý ortalyǵynyń oqýshylary Ýhan qalasynan 55 shaqyrym jerde ornalasqan Sıaogan qalasynda jartyjyldyq oqýdan ótip jatyr. Búgin arnaıy daýys berý úshin keldi», - dedi ol.
Onyń sózine qaraǵanda, Ýhanda daýys bergenderdiń arasynda 18-ge tolyp alǵash ret daýys berip jatqandardyń qatary qalyń. «Ýhandaǵy qazaqstandyq stýdentterdiń atynan Qytaıdaǵy QR Elshiligine eldiń ary qaraı damýy úshin úlesimizdi qosýǵa múmkindik bergenderine alǵys aıtqymyz keledi. Biz qýatty Qazaqstan úshin!», - dep atap ótti J. Jaǵyparov.
Ol QazAqparatqa birqatar qazaqstandyq stýdenttiń úndeýi jazylǵan vıdeony joldady.
Alǵashqylardyń biri bolyp Ýhan qalasynda stýdentter Álisher Ahmetov, Qyzyrbaı Marqataı men Arman Bahtııarov daýys berdi.
Eske sala keteıik, Ýhanda búgin №207 (QHR-daǵy QR Elshiligi) jyljymaly saılaý ýchaskesi jumys istep jatyr.
