QHR Tóraǵasy memlekettik saparmen Ózbekstanǵa keldi
TAShKENT. 9 qyrkúıek. QazAqparat - QHR Tóraǵasy Sı Tszınpın ÓR Prezıdenti Islam Karımovtyń shaqyrýymen 8 qyrkúıek kúni keshkisin Ózbekstanǵa keldi, dep habarlaıdy jergilikti BAQ.
Qytaı Halyq Respýblıkasy Tóraǵasynyń saparyndaǵy negizgi is-sharalar 9-10 qyrkúıekke josparlanǵan.
Sapar barysynda I. Karımov pen S. Tszınpın ózbek-qytaı kópjaqty únqatysýyn odan ári keńeıtý máselelerin talqylaıdy, ózara qyzyǵýshylyq týdyratyn aımaqtyq jáne halyqaralyq mańyzdaǵy problemalar boıynsha pikir almasady.
Kelissózder qorytyndysy boıynsha Ózbekstan Respýblıkasy men Qytaı Halyq Respýblıkasy arasynda saıası, saýda-ekonomıkalyq, ınvestıtsııalyq jáne mádenı-gýmanıtarlyq salalardaǵy yntymaqtastyqtyń uzaqmerzimdi perspektıvalary men basym baǵyttaryn aıqyndaıtyn mańyzdy qujattarǵa qol qoıylady dep josparlanýda.
