QHR Tóraǵasy «azııalyq-tynyhmuhıttyq armandy» júzege asyrýǵa shaqyrdy
BEIJІŃ. QazAqparat - QHR Tóraǵasy Sı Tszınpın Qytaı astanasynda ótip jatqan Azııa-Tynyq muhıty ekonomıkalyq qaýymdastyǵy sammıtinde «azııalyq-tynyhmuhıttyq armandy» júzege asyrýǵa shaqyrdy, dep habarlady Sınhýa.
QHR tóraǵasynyń pikirinshe, ol arman Azııa-Tynyq muhıty elderiniń beıbitshilikke negizdelgen bir maqsatta damýy sondaı-aq, taraptarǵa paıdaly yntymaqtastyq pen aımaqtyń órkendeýi úshin birige qyzmet etý.
Sonymen qatar, Sı Tszınpın «arman» degende ekonomıkalyq belsendilikti meńzep otyrǵanyn aıtty. «Erkin saýda aımaǵy, ınvestıtsııalar tartý jáne bolashaq urpaqtyń damýyna jaǵdaı jasaý - sol armandy júzege asyrý», - dedi ol.
Eske sala keteıik, Beıjińdegi sammıt 5 qarasha kúni bastalǵan. Munda laýazymdy tulǵalar qatysyp, memleket basshylaryna beriletin qorytyndy usynystardy maquldady.
7-8 qarashada qatysýshy memleketterdiń Syrtqy ister mınıstrleri bas qosty. Negizgi sharalar 9-10 qarashaǵa josparlanǵan. Bul kúnderi qatysýshy memleketterdiń basshylary kezdesýler ótkizýde.
