QHR Sychýan provıntsııasynda jer silkinisi saldarynan 11 adam jaraqat aldy
BEIJІŃ. QazAqparat - QHR Sychýan ońtústik-batys provıntsııasyndaǵy Tszınkoýhe ýeziniń Leshan qalasynda oryn alǵan jer silkinisi saldarynan 11 adam túrli aýyrlyq dárejesinde jaraqat aldy, dep habarlady «Sınhýa» agenttigi.
Qytaı seısmologııalyq stansasy ortalyǵynyń derekterine súıensek, magnıtýdasy 5 ball jer silkinisi Astana ýaqyty boıynsha saǵat 11.21-de oryn aldy. Jer asty dúmpýiniń kindigi koordınattary 29,3 gradýs s.e. jáne 103,3 gradýs sh.u. núktesinde oryn aldy. Gıpoortalyq 14 shaqyrym tereńdikte baıqaldy.
Jer silkinisinen 10 myńan astam úı qırady. Saldarynan 11 myń adam zardap shekti, jer asty dúmpýi provıntsııanyń kóptegen aýdandarynda, onyń ishinde Chendý ákimshilik ortalyǵynda sezildi.
Óńirde 4 jolaýshylar jáne 10 júk poıyzdary toqtatyldy. Qozǵalys temir jol jaǵdaıyn teksergennen keıin jańartylady.
Eske salsaq, 2008 jyly mamyrda 8 baldyq jer silkinisinen 100 myńǵa jýyq adam qaza taýyp nemese habar-osharsyz ketken bolatyn, bul óńir qytaıdaǵy seısmıkalyq belsendi aımaqtardyń birine jatady.
