QHR soty ómir boıyna bas bostandyǵynan aıyrylǵan Bo Sılaıdyń úkimin qaıta qaraıdy
BEIJІŃ. 10 qazan. QazAqparat - Qytaı soty sybaılas jemqorlyq jasady jáne bıligin asyra paıdalandy degen aıyppen partııanyń burynǵy joǵary sheneýnigi Bo Sılaıdy ómir boıyna bas bostandyǵynan aıyrý týraly sheshimin qaıta qaraýǵa kelisti, dep habarlaıdy jergilikti buqaralyq aqparat quraldary.
Bo Sılaı sot protsesiniń barysynda ózine taǵylǵan aıypty joqqa shyǵaryp, joǵarǵy sotqa shaǵym túsirdi.
Bıylǵy jyldyń tamyz aıynda ótken sot protsesi barysynda onyń 22,44 mln. ıýan kóleminde para alǵany, memlekettik qordan 5 mln.ıýan urlaǵany, brıtan azamatynyń ólimine baılanysty bılikti asyra paıdalanǵany dáleldengen bolatyn.
Sot sheshimine sáıkes, Bo Sılaı saıası quqyqtarynan ómir boıyna aıyrylyp, onyń jeke aktıvteri tárkilendi.
