QHR soty ólim jazasyna kesilgen soń aqtalǵan er adamnyń otbasyna 330 myń dollar tóleıdi
ASTANA. QazAqparat - QHR-dyń soltústigindegi Іshki Mońǵolııa avtonomdyq okrýginiń soty jasamaǵan qylmysy úshin 18 jyl buryn ólim jazasyna kesilip, jeltoqsannyń ortasynda aqtalǵan er adamnyń otbasyna ótemaqy retinde 330 myń dollar tóleıdi.
Іshki Mońǵolııa soty 15 jeltoqsanda Hýýgjılt (Huugjilt) esimdi er adamdy aqtap shyǵyp, ata-anasynan keshirim surady.
1996 jyldyń sáýir aıynda tanysymen birge júrgen Hýýgjılt Hýh-Hoto qalasyndaǵy qoǵamdyq dárethanalardyń birinen áıel adamnyń múrdesin taýyp, bul týraly polıtsııaǵa habarlaǵan. Sol jyldyń mamyrynda sot ol kezde 18 jastaǵy jigitti adam óltirdi dep aıyptaǵan. Jas azamat ólim jazasyna kesildi, sot úkimi 1996 jyldyń maýsymynda oryndaldy. 2005 jyly tártip saqshylary bul áıeldi óltirgenin moıyndaǵan er adamdy ustaǵan. 2014 jyldyń qarasha aıynda sot Hýýgjılttiń isin qaıta qaraýǵa kiristi.
