QHR soty QR azamatshasyna qatysty iste qorǵaýshy keltirgen zańdy dálelderdi eskermedi
BEIJІŃ-GÝANChJOÝ. QazAqparat - Búgin Gýandýn provıntsııasyndaǵy Gýanchjoý qalasynyń soty QR azamatshasy Aqjarqyn Turlybaıǵa qatysty esirtki kontrabandasy úshin ómir boıy bas bostandyǵynan aıyrý týraly úkim shyǵardy.
Sot Qazaqstan azamatshasyn ustaý jáne aldyn ala tergeý kezinde qylmystyq-protsessýaldyq normalardyń buzylǵany, sondaı-aq isti qaraǵanda jan-jaqtylyqtyń (júkti jibergen, qabyldaýy tıis adam jáne t.b. tabylmady) bolmaýy týraly qorǵaýshy keltirgen dálelderdi eskermedi.
Sot úkimine qatysty 10 kúnniń ishinde apellıatsııalyq satyda, provıntsııalyq deńgeıdegi sotqa shaǵym keltirý josparlanyp otyr. Sot otyrysyna qorǵaýshy Suńqar Nurmaǵambetovpen birge Qazaqstan Respýblıkasynyń QHR-daǵy Elshiliginiń konsýldyq bóliminiń ókilderi de qatysty. Belgili bolǵandaı, Aqjarqyn Turlybaı qytaı tilin belsendi meńgerip, qazirgi kezde qytaısha túsine alady. Esterińizge sala keteıik, QR-nyń 20 jastaǵy azamatshasy Aqjarqyn Turlybaı 2014 jyldyń naýryz aıynda Malaızııaǵa jol júrmek bolǵan Gýanchjoý qalasynyń áýejaıynda sıntetıkalyq esirtki zattaryn tasymaldamaq boldy degen kúdikpen ustaldy. Esirtki boıjetkenniń júginen tabylǵan.
