QHR Sıntszıan-Uıǵyr avtonomııalyq aýdanynda shoshqa aýsyly shyqty
BEIJІŃ. Maýsymnyń 23-i. QazAqparat /Rýslan Súleımenov/ - Sıntszıan-Uıǵyr avtonomııalyq aýdanyndaǵy (Qytaıdyń soltústik batysy) Korla qalasynda O tıpti shoshqa aýsyly tirkeldi.
Bul týraly QHR aýyl sharýashylyǵy mınıstrliginiń baspasóz-keńsesi habarlaıdy.
Korla qalasyndaǵy bir sharýashylyqta maýsymnyń 10-y kúni 83 bas shoshqanyń aýsyl juqtyrý múmkin degen oqıǵasy tirkelgen. Aýrý oshaǵynan epıdemııa anyqtalǵan soń, onyń zalalyn joıý boıynsha qoldanǵan sharalar barysynda 1 280 shoshqa soıyldy. Qytaı Aýyl sharýashylyǵy mınıstrliginiń ótinishimen qazirgi tańda jaǵdaı qadaǵalaýǵa alyndy.
