QHR SІM: ShYU-ny keńeıtý - buryn-sońdy bolmaǵan yntymaqtastyq áleýetin jandandyra túspek
Úndistan men Pákistandy uıymǵa resmı múshe retinde qabyldaýdyń eki el qarym-qatynasyna áseri týraly tilshilerdiń saýalyna QHR SІM-niń resmı ókili: «ShYU-nyń músheligin keńeıtý - uıymǵa múshe memleketterdiń qabyldaǵan ortaq sheshimi. 2015 jyly Ýfada ótken ShYU sammıtinde uıymǵa múshe memleketter Úndistan men Pákistandy uıymǵa múshe etip qabyldaýdy usyndy. 2016 jyly Tashkentte ótken ShYU sammıtinde Úndistan men Pákistandy múshelikke qabyldaý týraly memorandýmǵa qol qoıyldy. Qazirgi ýaqytta ShYU-ǵa múshe memleketter Úndistan jáne Pákistanmen birlese otyryp, memorandýmda kórsetilgen mindettemelerdi oryndap jatyr, barlyq jumystar sátti júrgizilýde», - dep jaýap berdi.
Hýa Chýnınniń aıtýynsha, Astanada ótetin ShYU sammıtinde Úndistan men Pákistandy uıymǵa múshe etip qabyldaý protsesi tolyǵymen aıaqtalady. Atp aıtqanda, ShYU qurylǵannan bergi alǵashqy uıymdy keńeıtý jospary júzege asyrylmaq. Osylaısha álemde eń halqy kóp, aýmaǵy eń úlken aımaqtyq yntymaqtastyq uıym qurylyp, buryn-sońdy bolmaǵan damý jáne yntymaqtastyq áleýetin jandandyra túsetin bolady.
«Biz Úndistan men Pákistandy uıymǵa múshelikke qabyldaǵannan soń, olardyń «Shanhaı yntymaqtastyq uıymynyń Hartııasy» jáne «Shanhaı yntymaqtastyq uıymyna múshe memleketterdiń uzaq merzimdi tatý kórshilik, dostyq jáne yntymaqtastyq týraly sharty» erejelerin qatań saqtaýyn qalaımyz. Sonymen qatar dostyq yntymaqtastyqty nyǵaıtyp, «Shanhaı rýhy» ustanymyn jalǵastyryp, ózara qatynasty jaqsartyp, uıymnyń damýyna birlesip atsalysýyn qalaımyz», - deıdi QHR SІM-niń resmı ókili.
