QHR SІM: Nursultan Nazarbaev - strateg jáne alystan boljaı biletin kóregen saıasatker
BEIJІŃ. QazAqparat - QHR SІM Eýropa jáne Ortalyq Azııa elderi departamentiniń dırektory Sýn Lıntszıan Qytaıdyń syrtqy saıası vedomstvosynyń atynan Táýelsiz Qazaqstandy damytýda, óńirlik qaýipsizdikti nyǵaıtýdaǵy QR Prezıdenti Nursultan Nazarbaevtyń róline baǵa berdi, dep habarlady Qytaıdaǵy «QazAqparat» HAA menshikti tilshisi.
«QHR syrtqy ister mınıstriniń kómekshisi Lı Hýeılaıdyń tapsyrmasy boıynsha Qytaıdyń syrtqy saıası vedomstvosy atynan sizderdi osy jınaqty qytaı tilinde shyǵarýlaryńyzben shyn júrekten quttyqtaımyn. Prezıdent Nursultan Nazarbaev Qazaqstannyń Ult Kóshbasshysy, alysty boljaı biletin strateg jáne saıasatker. Nursultan Nazarbaev basshylyǵymen ótken táýelsidiktiń 25 jylynda Qazaqstanda áleýmettik úılesim men turaqtylyq qalyptasyp, ekonomıka serpindi damydy, halyqtyń ál-aýqaty jaqsaryp, eldiń halyqaralyq arenadaǵy mártebesi men tanymaldylyǵy artýda», - dedi ol qytaı tilinde shyqqan «Qazaqstan Prezıdenti Nursultan Nazarbaevtyń tańdamaly eńbekter jınaǵyn» tanystyrý barysynda.
Eýropa jáne Ortalyq Azııa elderi departamentiniń dırektorynyń aıtýynsha, «Qazaqstannyń jetistigi men damýy - bul Prezıdent Nursultan Nazarbaevtyń qatań basshylyǵynyń jemisi. Eldiń uzaqmerzimdi jáne tabysty damýyna baǵdarlana otyryp, ol konstıtýtsııalyq reformany qazaqstandyq erekshelikpen jańa saıası qurylym qalyptastyrý úshin bılikti bólýdi baıaý qarqynmen jyljytýda. Jahandyq ekonomıkanyń baıaý ósimi, negizgi resýrstarǵa baǵa tómendegen jaǵdaıda Prezıdent Nursultan Nazarbaev «Nurly jol» ekonomıkalyq saıasaty men «ekonomıka qurylymdaryn ońtaılandyrý jáne jańa ósý oryndaryn qurý maqsatynda Úshinshi jańǵyrtý strategııasyn ýaqtyly usyndy. Nursultan Nazarbaev qoǵamdyq sanany jańǵyrtý, eldiń birligin arttyrý úshin ulttyq mádenıetti damytý reformasyna bastamashylyq etti», dep atap ótti qytaılyq dıplomat.
Ol óńirlik qaýipsizdik pen turaqtylyqty qoldaýda barynsha mańyzdy ról oınaıtyn Álemdik jáne dástúrli dinder kóshbasshylarynyń sezi men Azııadaǵy ózara yqpaldastyq jáne senim sharalary jónindegi keńes májilisin shaqyrtý sııaqty qazaqstandyq kóshbasshynyń halyqaralyq bastamalaryna toqtalyp ótti.
«Qytaı Qazaqstannyń tatý kórshisi, jan-jaqty strategııalyq áriptesi retinde táýelsizdik kezeńindegi Qazaqstannyń uly jetistikterine shyn júrekten qýanady. Ulttyq erekshelikterge jaýap beretin damý jolynda Qazaqstan halqyn odan ári qoldaýǵa ázir. Nursultan Nazarbaevtyń basshylyǵymen Qazaqstan memleketin qýatty elge aınaldyryp, gúldendirý armanyn júzege asyratynyna esh kúmánim joq»-dedi.
