QHR SІM-de QR Prezıdentiniń Qytaıǵa saparyna qatysty daıyndyq máselesi talqylandy
BEIJІŃ. QazAqparat - Qazaqstannyń Qytaıdaǵy Elshisi Shahrat Nuryshev QHR Syrtqy ister mınıstriniń birinshi orynbasary Le ıÝıchenmen kezdesti, dep habarlaıdy QazAqparat Syrtqy ister mınıstrliginiń baspasóz qyzmetine silteme jasap.
Taraptar eki el arasyndaǵy saıası, ekonomıkalyq jáne mádenı-gýmanıtarlyq salalardaǵy yntymaqtastyqtyń aǵymdaǵy jaı-kúıi men keleshekterin, sondaı-aq joǵary jáne bıik deńgeılerde qol jetkizilgen ýaǵdalastyqtardy iske asyrý baǵyttaryn talqylady.
«Erekshe nazar bıyl qyrkúıek aıynda QR Prezıdenti Qasym-Jomart Toqaevtyń QHR-ǵa alǵashqy memlekettik saparyna daıyndyq máselelerine aýdaryldy. Óz kezeginde, qytaılyq dıplomat Memleket basshysynyń Qazaqstan-Qytaı qatynastarynyń qalyptasýy men damýyna qosqan úlesine joǵary baǵa berdi.
Sondaı-aq, bıylǵy jyldyń ekinshi jartysynda ótkizilýi josparlanǵan kópjaqty halyqaralyq is-sharalar kúntizbesi men ózara saparlar kestesi talqylandy», delingen habarlamada.
«Qazaqstan-Qytaı qarym-qatynastarynyń jan-jaqty strategııalyq áriptestiginiń oń serpinin saqtaý maqsatynda saıası, parlamentaralyq, partııaaralyq, úkimetaralyq jáne vedomstvoaralyq turaqty baılanystardy damytý týraly ýaǵdalastyqqa qol jetkizildi.
Eske sala ketsek, Shahrat Nuryshev Memleket basshysynyń qabyldaýynda bolǵan kezinde onyń bıylǵy 11-12 qyrkúıekke josparlanǵan Qytaıǵa saparyna daıyndyq barysy jóninde málimet bergen edi.
