QHR SІM-de Hanchjoýda «G-20» sammıtine Memleket basshysynyń qatysýy máselesi talqylandy
ASTANA. QazAqparat - 29 qańtarda Qazaqstannyń Qytaıdaǵy Elshisi Shahrat Nuryshev QHR Syrtqy ister mınıstriniń kómekshisi (mınıstrdiń orynbasary deńgeıinde) Lı Hýeılaımen kezdesý ótkizdi, dep habarlaıdy QR SІM-niń baspasóz qyzmeti.
«Suhbat barysynda taraptar Qazaqstan men Qytaı arasyndaǵy saıası, ekonomıkalyq jáne gýmanıtarlyq yntymaqtastyqtyń qazirgi jaǵdaıy men keleshegin, QR Prezıdenti Nursultan Nazarbaevtyń 2015 jylǵy qyrkúıek jáne QR Premer-Mınıstri Kárim Másimovtiń 2015 jylǵy jeltoqsandaǵy saparlary barysynda qol jetkizilgen ýaǵdalastyqtardy júzege asyrý joldaryn talqylady», delingen habarlamada.
Qazaqstandyq dıplomat QR Prezıdenti N. Nazarbaevtyń «G-20» sammıtine (2016 j. 4-5 qyrkúıek, Hanchjoý ) qatysýǵa shaqyrý úshin alǵys bildirdi jáne bul myqty ári óskeleń memleketti qurý jolynda Memleket basshysynyń erekshe rólin taný ekenin atap ótti.
Sondaı-aq, ártúrli halyqaralyq uıymdar men qurylymdar sheńberinde árekettesý máseleleri talqylandy. Qazaqstan-qytaı jan-jaqty strategııalyq áreptestiktiń joǵary serpinin saqtaý maqsatynda joǵary men eń joǵary deńgeıdegi turaqty saıası baılanystardy saqtaý týraly ýaǵdalastyqqa qol jetkizildi.
«Nurly jol» Jańa ekonomıkalyq saıasat jáne «Jibek jolynyń ekonomıkalyq beldeýi» qytaılyq bastamany ushtastyrý, eki elmen júzege asyrylýdaǵy Indýstrııalandyrý jáne ınvestıtsııalar baǵdarlamasyna qatysyp jatqan kásipkerler úshin qolaıly jaǵdaılar týǵyzý, sondaı-aq praktıkalyq yntymaqtastyqtyń jańa salalaryn keńeıtý boıynsha tolyq pikir almasý ótti.
Lı Hýeılaı eki el arasyndaǵy árekettesýdiń joǵary deńgeıin, QR men QHR basshylarynyń qarym-qatynastarynyń dostyq sıpatyn, sondaı-aq N. Nazarbaevtyń qazaqstan-qytaı jan-jaqty strategııalyq áriptestikti damý jolyna qosqan jeke úlesin atap ótti.
