QHR SІM basshysy Koreıa túbeginde soǵysqa jol bermeýge shaqyrdy
BEIJІŃ. 10 naýryz. QazAqparat - Koreıa túbeginde soǵysty boldyrmaý barlyq taraptardyń ortaq múddesine saı keledi, dep málimdedi QHR SІM basshysy ıAn Tszechı keshe qytaı parlamentiniń ótip jatqan jyl saıynǵy sessııasy aýqymyndaǵy baspasóz máslıhatynda.
«Koreıa túbegindegi ıadrolyq problemany tıisti retteý, beıbitshilik pen turaqtylyqty ustap turý barlyq taraptardyń birlesken mindeti bolyp tabylady», - dep atap ótti ıAn Tszechı.
Qytaı syrtqy ister mınıstriniń aıtýynsha, Phenıan ótkizgen úshinshi ıadrolyq synaq túbekte shıelenisti óristetýde, «biz bulaı bolýyn qalamaımyz» dedi.
BUU Qaýipsizdik Keńesi qabyldaǵan qarar KHDR-daǵy ıadrolyq synaqtarǵa qarsylyqty jaqtaıtyn halyqaralyq qoǵamdastyqtyń ustanymyn bildiredi, dep atap kórsetti ıAn Tszechı. «BUU Qaýipsizdik Keńesiniń músheleri dıalog pen kelissózder arqyly Koreıa túbegindegi ıadrolyq problemany beıbit sheshý jolyn tabýǵa ýáde berdi, altytaraptyq kelissózderdi qoldaıtyny týraly taǵy da málimdedi jáne ony qaıta jalǵastyrýǵa shaqyrdy», dep habarlady QHR SІM basshysy.
ıAn Tszechı múddeli taraptardy «salqynqandylyq saqtap, jaǵdaıdyń ýshyǵýyna ákep soǵatyn is-qımyldardan bas tartýǵa» shaqyrdy.
Eske sala keteıik, KHDR Ońtústik Koreıamen ózara shabýyl jasamaý týraly kelisimdi úzdi. Ótken beısenbide, BUU Qaýipsizdik Keńesi KHDR boıynsha qarardyń jobasyn biraýyzdan maquldady, ol Phenıanǵa qarsy sanktsııalardy qataıtýdy kózdeıdi.
