QHR Shyńjań Uıǵyr avtonomııalyq ólkesine keletin sheteldik týrısterdiń 70 paıyzyn qazaqstandyqtar quraıdy
BEIJІŃ. 1 tamyz. QazAqparat - QHR Shyńjań Uıǵyr avtonomııalyq ólkesine týrıster aǵymy alǵashqy jartyjyldyqta 28 paıyzǵa ósip, 22,25 mln. adamǵa jetip otyr, dep habarlaıdy ólkeniń týrızm basqarmasynan.
Osy ýaqyt aralyǵynda týrızmnen túsken tabys 3,86 mlrd. dollardy qurap, ótken 2012 jyldaǵy dál osy kezeńmen salystyrǵanada 23 paıyzǵa ósken.
Shyńjańǵa saıahat jasaǵan qytaılyq týrıster sany 2013 jyldyń birinshi jartyjyldyǵynda 21,62 mln. adamǵa jetken, olardyń 50 paıyzdan astamy bul ólkege óz kólikterimen saıahat jasaǵandy qalaıdy.
Al QHR ShUAÓ-ge saıahat jasaǵan sheteldik týrısterdiń 70 paıyzyn qazaqstandyqtar quraıdy, dep atap ótýde jergilikti bılik ókilderi.
2012 jylǵy málimetter boıynsha, ShUAÓ-ge saıahat jasaǵan týrıster sany 48,6 mln. adamǵa jetip, týrızmnen túsken tabys 57,6 mlrd. ıýandy (9,5 mlrd. dollar) qurap otyr.
